الاثنين، 2 مارس، 2009

3raby

فى فبراير 2008 قرر الشاب المصري "ياسر أبو العلا" خوض تجربة التدوين بهدف تقديم محتوى تعليمي يساعد المبتدئين فى الكمبيوتر، وببعض ضغطات بالماوس على موقع Blogger خرجت مدونة أنا عربي الي الوجود.

قبل أن أكتب هذا الموضوع بأقل من ساعة كانت زيارتي الأولى لهذه المدونة، التي شاهدت فيها اجتهاد "ياسر" ليس فى اعداد المادة التي يقدمها فحسب، بل اجتهاده فى تطوير المدونة وتصميمها.

لا تتوقع أن تشاهد مدونة ذات تصميم عالي الاحتراف، بل قد يكون بسيط لدرجة كبيره، بنفس البساطة التي يكتب ويتحدث بها صاحبها، فهو يقول فى مجمل التعريف بنفسه وبالمدونة:

نفسى يبقى المستوى بتاع المستخدمين العرب للأنترنت أكبر من الحالى بكتير لأن دا هايفرق فى حاجات كتير مش هاطول عليكم و دى اول مدونه ليا و لأول مره احاول اعمل حاجه كده فيا ريت ما تأخذونيش لو المدونه على قد الحال بكره تكبر

وأنا متفق مع "ياسر" بانها بكره ستكبر ويزداد متابعيها والمستفدين منها، فهي تحتوي حتى الآن على 48 درس متنوع ما بين انشاء بريد الكتروني واستخدام برامج المحادثة المختلفة، وبين دروس تعليم الأوفيس واستخدام الفيس بوك، وجميعها مرفقه بشرح فيديو يناسب الفئة التي يستهدفها وهم المبتدئين فى الكمبيوتر (وما أكثرهم فى عالمنا العربي).

"أنا عربي" أو "يلا نتعلم" ليست مدونة تعليمية فحسب، فهي أيضا قصة نجاح لشاب استطاع أن يعلم نفسه ويطورها  من خلال المصادر المتاحة على الانترنت ليخرج لنا بموقع الكتروني مفيد، ويبدء فى استغلاله لتحقيق أرباح (من خلال نشر الاعلانات بالموقع) لتكتمل عناصر نجاح الموقع.

أتمنى من "ياسر" أن يكون كريم مع زوار مدونته ويخبرهم تفاصيل أكثر عن نفسه، ويا ليته ينشر موضوع يحكي فيه عن تجربته مع هذه المدونه بما فيه من صعوبات و محفزات.

أيضا أن يوضح آي هذه المسميات هو الاسم الحقيقي للمدونة (أنا عربي، يلا نتعلم، تعليم الكمبيوتر والانترنت)!!!

كما اني أوافق بشدة على مكان نشر اعلانات جووجل يسار الموضوعات، لكن ربما يكون الحال أفضل لو كانت الخلفيه نفس خلفية الموضوع (بيضاء) مع تميز الاعلانات بلون مختلف.

أخيرا.. تمنياتي لـ "ياسر أبو العلا" النجاح له ولمدونته التعليمية.

10 التعليقات

Yasser Abo El Ella يقول... 2 مارس، 2009 10:09 م

أولاً: شكراً جداً على موضوعك اللى يشرفنى.
تعليق بسيط صغير جداً:
إسمى ياسر أبوالعلا و ليس عبدالاله.
ثانياً: لى عودة مره أخرى بالتأكيد للموضوع
وشكراً على تنويهك عن المدونة.

عمرو فهمي يقول... 2 مارس، 2009 10:19 م

أهلا بيك يا ياسر، وتم تصحيح الاسم.. عذرا :)

Yasser Abo El Ella يقول... 3 مارس، 2009 8:44 م

عمرو أنا متشكر جداً على كلامك و اللى فعلاً يشرفنى.
بخصوص الكرم فى ادراج تفاصيل أكثر عنى. فلا أعتقد ان هناك الكثيريين ممن يريدون أن يعرفوا عنى الكثير فأنا شاب عادى جداً مصرى الجنسية والحمد لله. خريج تجارة قسم إدارة أعمال كان نفسى اكتب بعديها تقدير مش عارف ايه مع مرتبه الشرف.. بس مبحبش اكدب فخليها إدارة أعمال من غير اى تقدير : ). الكمبيوتر هوايتى من زمان و يعنى بعرف اشتغل على كام برنامج كده على قدى.
تجربتى مع المدونة كانت عامله زى شعور أى واحد اول مره يقعد قدام جهاز كمبيوتر او اول مره يدخل على النت, مش هاقول انى كنت زى الفل و تمام أكيد لأ, بس اللى يدور ما يتوهش, و برده الموضوع مكنش مستحيل, أما عن المدونة ذاتها و تجربتى معاها دى حكاية طويله و ان شاء الله بحاول اعمل دروس فى التدوين واللى هاشرح فيها الحاجات دى كلها علشان اللى بيحاول يعمل مدونه ميقعش فى الاخطاء اللى وقعت فيها و يكتسب المهارات اللى اكتسبتها فى الفتره اللى فاتت. و لو هاقول أكتر حاجه كانت محفزه كان الناس طبعاً سواء اللى بعتلى تعليق أو اللى بعتلى إيميل أو حتى الزائر الصامت بس شعور ان فى ناس بتستفاد دا كان اكبر حافز أما عن الصعوبات فمنها مثلاً ضيق الوقت بالنسبه لى, قلة المواقع ان لم تكن معدومة التى تتحدث عن التدوين بالعربية, قلة زوار المدونة فى البداية كاد ان يصيبنى بالأحباط و عدم جدوى ما افعله.

عن الأسم الحقيقى للمدونة ( أنا عربى, يلا نتعلم, تعليم الكمبيوتر و الانترنت ) أنا عن نفسى محتار لأنى فى البداية كانت أنا عربى زى اسم المدونة ana-3rby . و يلا نتعلم جت بعد كده لما بدأت شرح كورس الأى سى دى ال و تمام لحد هنا بس لقيت نتائج البحث فى جوجل مش قد كده و مكنتش حاسس ان فى حد بيكتب يلا نتعلم فحبيت اغير و اجرب و لقيت تعليم الكمبيوتر و الانترنت افضل. و طبعاً دا لأن الدروس الموجوده فى المدونة فيديو و مفيش كتابه كتير و دا مش كويس لمحركات البحث طبعاً.

اتمنى انى مكنش طولت عليكم بكلامى دا كله ووجعت دماغكم.
وفى النهاية طبعاً بشكر عمرو انه كتب مقاله كامله عنى فى فضفضتة

عمرو فهمي يقول... 4 مارس، 2009 2:22 م

شكرا يا ياسر على اهتمامك وردك الي سعدت بيه جدا
الموضوع كده بقه منور بردك فيه
وأهلا بيك فى آي وقت صديق عزيز
مع خالص دعواتي وأمنياتي بالنجاح والتوفيق

Mohamed يقول... 4 مارس، 2009 8:27 م

الف شكر ليك يا عمر على المقالة الرائعة..
ومبروك يا ياسر على المقالة التي تستحقها عن جدارة.
وبالمناسبة فياسر له باع في المجال الثقافي كما له تماما في المجال التعليمي.. فهو مؤسس ومصمم مجلة (تحت الكوبري) الإلكترونية، والتي أتشرف بدعوتك لزيارتها، فترى جانب أخر من شخصية ياسر

حسام عادل يقول... 25 أغسطس، 2009 3:14 م

سأتابع تلك المدونة .. فأنا مهتم بذلك النوع من المواقع

angel يقول... 6 مارس، 2010 5:51 م

استاذ عمرو الحقيقة انا اوافقك الرأى تماما فى مدونة الاستاذ ياسر انا ايضا معرفتى بها بدأت من دقائق كنت ابحث عن تعليم برنامج الموفى ميكر وظهرت كاحد الخيارات قدر الله ان ابدأ بها وما شاء الله اعتقد انى وجدت بها بغيتى فجزاه الله خيرا وجزى حضرتك خيرا على الاهتمام وابراز النماذج الطيبة دى بجد ما شاء الله . وطبعا اكتر حاجة عجبانى فى المدونة يمكن اكتر من محتواها هو هدفها واضح فيه اوى انتماء واخلاص لوجه الله سبحانه وتعالى ربنا يبارك فيكم جميعا .

manal يقول... 23 مايو، 2010 3:43 ص

thank you for your big effort

غير معرف يقول... 29 يناير، 2012 2:36 ص

مفيش تعليق لانك بجد انسان تستحق كل التقدير والاحترام

غير معرف يقول... 28 فبراير، 2012 10:08 ص

انامهتمة جدا بالمدونة لانى كنت زيرو فى موضوع النت وبدات افهم من يوم مادخلت عليها وهفضل متبعاها ان شاء اللة وشكرالك ياياسر

إرسال تعليق