السبت، 8 أغسطس، 2009

فى صمت وهدوء بدء تنفيذ قرار الجهاز القومي لتنظيم الاتصالات فى مصر بتحديد سعات التحميل logoNoLimitedDSL Download على مشتركي الانترنت فى جميع شركات تقديم الخدمة فى مصر.

ومن المؤسف انه حتى الآن كلا من موقع وزارة الاتصالات  و موقع جهاز تنظيم الاتصالات لا يحوي آي  اشارة من قريب أو بعيد لهذا القرار.

لكن الموقع الأخير مازال محتفظ بنسخة قرار وزير الاتصالات فى صيف 2007 الخاص بمبادرة اطلاق أسعار خدمات الانترنت فائق السرعة مع تحديد طاقة التنزيل، والتي أحب أن أبدء منها للتعليق على هذا القرار.

قبل إطلاق هذه المبادرة كانت أسعار تقديم خدمة الانترنت موحدة على مستوى جميع الشركات ولم تكن هناك فرصة كبيرة للمنافسة بين الشركات الا من خلال الاعلانات واطلاق بعض المزايا للمشتركين، و كان المستحوذ على النصيب الأكبر لهذا السوق وقتها أكبر شركتي انترنت فى مصر (تي إي داتا TEData و لينك LinkDotNet).

لكن بعد إطلاق هذه المبادرة بدء سوق الانترنت يشهد انتعاشة فى مستوى المنافسة وانخفاض الأسعار الذي كانت تقوده TEData، كما فتح المجال لدخول استثمارات جديدة فى هذا السوق وشهدت خريطة الشركات العاملة فى مجال خدمات الانترنت بعض التغيرات لتصبح كالأتي:

  1. شركة TEData الشركة الأولى فى مصر لتقديم خدمات الانترنت والمالكة الرسمية للكابلات البحرية التي تزود مصر بأكثر من 90% من سعة الانترنت الواصلة اليها.
  2. شركة LinkDotNet المنافس الشرس لTEData واللملوكة لصاحبها رجل الأعمال بالغ الذكاء “نجيب سويرس”، والمالكة لكابل بحري كامل خاص بها سيبدء تشغيله في بدايات 2010.
  3. شركتي EgyNet و NileOnLine تم الاستحواذ عليهم ودمجهم تحت لواء شركة اتصالات مصر، لتشكل عملاق جديد ينافس بقوة فى السوق المصرية.
  4. شركة RayaDSL والتي لم تحقق شهرة أو نجاح فى السوق استحوذت عليها شركة فودافون، وأصبحت المزود الفعلي لخدمات فودافون للانترنت.
  5. مجموعة متناثرة من الشركات التي تجاهد لتستحوذ على حصة كافية من السوق فى مصر، ويعمل من تحتهم الكثير من الموزعين فى المحافظات والقرى فى مصر بشكل احتكاري فى بعض الأحيان يسمح لهم بالتحكم فى أسعار الخدمة.

وخلال الفترة الماضية استطاعت فودافون تقديم عروض قوية ومنافسة للغاية حققت قدر كبير من النجاح والانتشار فى السوق، حركت الركود فى الأسعار وفرضت على الشركات الكبرى تقديم عروض مشابها لعروضها، وكان كل هذا يصب فى مصلحة المستهلك بشكل رائع.

فى نهاية مايو 2009 صدر قرار جديد لوزير الاتصالات يوضح فيه أن السرعات المنخفضة للانترنت أصبحت لا تتماشي مع التقدم الهائل فى تطبيقات الانترنت وخصوصا فى مجال خدمات الصوت والصورة وبالتالي فان الوزارة ستوجه دعمها للسرعات الأعلى بدءا من 512KB فتصبح هي أقل سرعة للانترنت فى مصر مع البقاء على نفس مستوى الأسعار.

بمعنى أن السرعات تم مضاعفاتها بدون زيادة فى الأسعار، وبدون الاشارة للمساس بقرار اطلاق أسعار خدمات الانترنت المشار اليه سابقا.

فى قرارة نفسي أشعر أن هذا القرار كان بمثابة ضربة لعروض فودافون، خاصة وانها لم تغير من أسعارها أو عروضها لتنافس القرار الجديد، لكن السوق مازال يحتوي شركات ضخمة وذات قدرة على المنافسة لأبعد مدى، فظهر منافس جديد جاء ليبيع الانترنت بسرعة واحد ميجا بسعر 99 جنيه، وسرعة الأربعة ميجا بسعر 199 جنية.

الآن يتضح لنا أول آثار فرض قرار موحد على جميع الشركات بحرمان المستخدم من ميزة المنافسة التي كان يتمتع بها. كما انه قد يضر بالشركات التي بدئت الاستثمار فى هذا السوق مؤخرا ولم تسترد بعد قيمة استثماراتها.

السعات المسموح بها لكل سرعة

ثانيا فرض سعة تحميل محددة على المستخدم يتنافى مع تصريح وزير الاتصالات الذي قرر دعم سرعات الانترنت فى مصر لتتيح للمستخدم التمتع بالخدمات الجديدة، فأصبح استخدام هذه الخدمات كفيلا بالقضاء على السعة المحددة له بشكل سريع.

ثالثا يقضي هذا القرار على خدمات نقل الصوت عبر الانترنت أو الVOIP وخدمات مشاهدة القنوات التليفزيونية أيضا من خلال الانترنت IPTV، وبالتالي فان هذا القرار يحرم المستخدم المصري من التقنيات الحديثة التي كان يجهز نفسه للتمتع بها قريبا، خصوصا مع ظهورها فى معرض Cairo ICT 2009، الا اذا كان يراد من وراء هذا القرار التحضير لتقديمها من خلال تسعيرة جديدة تختص بها فقط دون خدمة استعراض الويب.

وهذا يمكن استنتاجه من البيان المنشور على موقع جهاز تنظيم الاتصالات والخاص بعدم قانونية مشاركة خدمة الADSL الذي جاء فيه:

أن القيام بالمشاركة في خط الـ ADSL يحمل صاحب خط التليفون عبء تسديد فواتير أي خدمات على الإنترنت يكون قد استفاد بها أياً من المشاركين في الخدمة ولم يسدد فواتيرها مثل Video on Demand أو VoIP وهي الخدمات التي سوف تكون أكثر انتشاراً في المستقبل القريب.

يبقى أن نتحدث عن الدافع المعلن لهذا القرار وهو القضاء على الوصلات الغير شرعية لADSL، وفي رأيي أن القضاء الحقيقي على هذه الوصلات يكون بتخفيض الأسعار، فالقرار الأخير بمضاعفة سرعة الانترنت لا يمثل تخفيض حقيقي للأسعار، والسؤال هنا:

اذا كان سعر سرعة 512KB الآن 95 جنية، فلماذا لا يقدم خدمة بسرعة256KB بسعر 45 جنية بدون تحديد، بدلا من الغاء هذه الشريحة الغير محدودة والمحافظة فى نفس الوقت على الشريحة المحدوة بسعة 2 جيجا بسعر 45 جنية!!!

أعود وأذكر أن نص القرار غير منشور على أيا من موقع وزارة الاتصالات أو موقع الجهاز القومي لتنظيم الاتصالات واذا توفر لدي النص الرسمي له واتضح لي انه يتضمن أشياء تخالف ما ذكرته هنا فاني سأقوم بتعديل هذه المخالفة احقاقا للحق وتوضيح الأمور لمن يهتم.

أخيرا أعجبني هذا الرسم الكاريكتوري للفنان أشرف حمدي منشور على جروب هنقولها بعلو الصوت ....لا لأنترنت المحدود على الFacebook وأحببت أن أختم به

lehtznoknafsak

11 التعليقات

غير معرف يقول... 9 أغسطس، 2009 1:39 م

والله بجد لازم الموضوع ده يتلغى لان كده بيحاولوا تحددوا وسائل المعرفة مش كفاية محدش بيعلمنا من بره مصر انتو كمان هضيقوا علينا فى وسائل المعرف والله حرااااااااااااام عليكوا

غير معرف يقول... 9 أغسطس، 2009 2:12 م

كما قال الاخ الفاضل لو كان الهدف القضاء على الوصلات الغير شرعية ووصوله إلى كل مكان فى مصر يتم من خلال تخفيض الاسعار فعلا وليس بهذه الطريقة

غير معرف يقول... 9 أغسطس، 2009 6:47 م

أنا أتصلت بالشرركة و و وقفت الإشتراك من اول الشهر الجاى و هاعتمد على الموبايل طالما زنقة فى زنقة

Mohammed يقول... 9 أغسطس، 2009 7:41 م

السلام عليكم
اشكرك على المقال و انا من المعجبين بمدونتك من زمن.
و أؤيد وجهة النظر القائلة بحرية سعات التحميل لانه بيتنافى كليا و جزئيا مع التطورات الحاصلة في مجال سرعات الانترنت.
و كما تعلمون فان الانترنت الفائق السرعة وصل لحد 15 ميجا/الثانية عند التحميل و هو المعروف ب HSDPA+
شكرا.

Waheed Sayed يقول... 10 أغسطس، 2009 12:40 ص

السلام عليكم و رحمة الله

الحقيقة أنا خارج مصر من فترة و خلال زياراتى و لاحظت أن الشباب بيقضوا وقت طويل فالشات و الأفلام و الألعاب و حسيت أن فى هدر كبير جدااا

و مش قادر أفهم إزاى ممكن 25 جيجا الشباب شايفين أنها قليلة .. هل هى فعلا قليلة؟ ولا عشان الحكومة اللى قالت؟ طيب ليه مش الإتجاه طلب مضاعفة السعة بدل الطلب المستحيل بأنها تفضل لا محدودة؟ الأنترنت خدمة مكلفه و لازم يكون فى حسن أستغلال.

الفئة الوحيد اللى أعتقد أن عندها سبب منطقى هو الشباب اللى بيوزع النت من خلال وصلات (يعنى بطريقة غير مشروعة) عشان كده بيقولوا أن النت مهمة جدا لأنها باب رزق ليهم.. و واضح أن هى دى الفئة المقصودة بالقرار. الشركات عايزة حقها بدل ما يستفيد بيه ناس تانية. من ناحية هو حقها فعلا و من ناحية هو يعنى الشباب كان بيعمل ليه كده مش من قلة الشغل !!

يا ريت كل واحد يراجع نفسه و يفكر هو يلزمه قد أيه فعلا بعد ما يحسن أستخدمه للنت و على فكرة أنا بشتغل فى مجال الأنترنت (برمجة) و فى فرق لما تنزل سوفت وير نادر أنه يحصل ال 200 ميجا و غالبا أقل من كده بكتير .. لكن أى فيلم هيكون فوق ال 700 ميجا و دا ممكن يكون الجزء الأول فقط!

تخيل لما تكون فى شغلك و عايز تبعت أيميل مهم جدا أو تشوف موضوع مهم جدا عشان تحل مشكلة و مش قادر عشان فى واحد سايب جهازه بينزل فى أفلام و هو بيعمل مشوار و لا قاعد على القهوة.

يا ريت نتقى الله فى وقتنا و مواردنا المحدودة و الله يصلح حالنا جميعا

ملحوظة: عشان محدش يعلق على الموارد أنا عارف أن الحكومة أكبر مهدر للموارد بس دا ميقولش أن أحنا كمان نضيع فيها و فى وقتنا :)

أشرف حمدي يقول... 10 أغسطس، 2009 11:25 م

أشكرك كثيرا على موضوعك العلمي المتميز والهاديء بالرغم من القرار الاستفزازي
وبالطبع سعيد بعرضك للكاريكاتير واهتمامك
خالص حبي واحترامي وتقديري
أشرف حمدي

غير معرف يقول... 10 أغسطس، 2009 11:26 م

اقسم بالله لو محصلش و اتغير النظام لارفع قضايا علي شركه الاتصالات...و لو اتقبض علياا تبقي اعرفوو هبقي شهيد الانترنت المحدود و حسبناا الله ونعم الوكيل

انا اقسمت و اللي عايز يتفاعل معايا و نرفع قضايا علي ..... يقولي و انا والله العظيم جاهز و متحفز جداااااااااااا لفعلهاااااااااااااااااااااااا

و احيك

Mohamed Tarek Hassen ا

و ارجوو الاهتمام بلله عليكووو

عشان لو سكت عن حقك مره يبقي حلال فيك يضحك عليك الف مره

هنا ادخل و قول نعععععععععم

http://www.facebook.com/topic.php?topic=13174&post=94228&uid=117150926635#post9422

مواطن كفران يقول... 11 أغسطس، 2009 3:42 ص

سلام عليكم منتا عارف يا مبرومج ان البرمجه محتاجه حجات كتير ومساعدات علي الانترنت
وايضا لو بتعمل في مجال السيررفات والدعم الفني
نروح نموت ولا نعمل ايه
انا شخص متزوج عاندي ولد اعملل بشركه سابورت للدعم الفني لسيرفر بمرتب متزوج اعمل بها منذ 8 سنوات اعمل ايه انا
اروح اولع في نفسي ولا اشحت ولا اجيب بالمرتب انترنت؟
نفسي حد يعبرني ويقلي اعمل ايه ومفيش ليا اي حاجه كلمت الشركه قالولي دا اللي عاندنا ياعني اولع
اعمل ايه
اين القلوب الرحيم للنظر في قضيتى اكل عيشي والمثل بيقول ياكل قوتى ياناوي علي موتى

غير معرف يقول... 13 أغسطس، 2009 1:28 ص

انا عايز اسال سوال للناس اللي عمالين يقولو ان اللي يستخدم تهور ياثر لي الخدمة انا عايز افهم الكلام الغريب ده ازاي
هو مش انا لو سيبت جهازي شغال علي طول كداكدا ده من خلال سرعة النت الي انا بدفع فيها وللا انا مثلا انا لو سيبتة يعمل داون لود وهو 1 ميجا علشان انا بطول هيكون بقدرة قادر 2 ميجا
بلاش كلام فاضي انا كدا كدا بستخدم في امكانيات خطي اللي انا متعاقد علية ومش باخد من خط حد
بس اللي بيحصل انهم هنا بيدو خطوط هما والشبكة بتاعتهم مش قدها وبيفترضوا اننا لازم ما نستخدمش حقنا علشلن يقدرو يكملو

غير معرف يقول... 13 أغسطس، 2009 9:49 م

الاستاذ وحيد سيد المبرمج , يا أخي انت مش بتستهلك السعة دي في شهر لكن في غيرك بيستهلكها يحمل العاب افلام ويندوز هو حر طالما مبيضرش حد , خطه لوحده و يعمل فيه اللي هو عايزه !! , و كمان بالنسبة للشبكات انا وصحابي مشتركين في وصلة عشان محدش مننا معاه يدفع 95 شهريا و يجيب لوحده و واخدين سرعة و متشاركين فيها و مبنضرش حد براها !! , و كمان انت ضارب مثل انك جاي تبعت ايميل و مش عارف عشان واحد عمال يحمل , طيب ما هو ده الطبيعي انت مشترك في وصلة و بتدفع سعر أقل عشان تستحمل مشاكل زي دي , ايه اللي رماك على المر الأمر منه , لا مؤاخذة يعني بطلوا فتي

غير معرف يقول... 9 يناير، 2010 3:15 م

شكرا بس مع الاسف احنا بلد الاحتقارات ومحدش عارف حاجة

إرسال تعليق