الخميس، 1 أكتوبر، 2009

 

فى سبتمبر 2007 حضرت فعالية لأحد مجتمعات المصادر المفتوحة، كانت من تنظيم EGLUG، و أعجبت Tux.svg فعلا بمجموعة الشباب المنظم لهذة الفعالية، كما انها كانت تمثل لقائي الأول مع توزيعة Ubuntu للينوكس وقمت بتحميلها على جهازي فى نفس اليوم.

حضوري هذه الفعالية وتجربتي الأولى مع الأبونتو أوحت لي بفكرة موضوع خاص عن اللينوكس، وكان المجتمع المستهدف من هذا الموضوع هو جمهور الفيس بوك فى Egypt Network قبل أن يلغي الفيس بوك هذه الشبكات ويجعل المجموعات Groups بديلا عنها.

اليوم وأثناء حضوري يوم البرمجيات الحرة فى منظمة أفق تذكرت هذا المقال وخطر على بالي أن أعيد نشره مرة أخرى  على هذه المدونة، لكن قبل أن تبدء قراءته أحب أن أشير الى ان هذا الموضوع يعتبر حالة خاصة بين موضوعات هذه المدونة فهو الأول والوحيد الذي ينشر بها ويكون مكتوب باللغة العامية الدارجة فى مصر.

فكرت فى اعادة صياغة الموضوع لكنى قررت على سبيل التغير وخوض التجربة نشره كما هو وترك التعليق عليه للقراء.

تعالوا كده نتخيل ان الويندوز عندك ضرب ومش عاوز يفتح خالص

فعملت Format وبدئت تعمل Install لنسخة ويندوز جديدة

و فى الفترة الي الويندوز بينزل فيها على جهازك بدل ما تقراء الرسائل الممله

أو تتمشي فى الغرفة لغاية ما يخلص، روحت فاتح ال Facebook وتشوف ايه الجديد وأصحابك عاملين ايه؟؟

تفتكروا ده ممكن يحصل؟؟

عن نفسي عملتها!!

أو مش عملتها بالظبط لكن عملت حاجة زيها قوى كده يعني تقريبا هيا بس مش هيا

هتسألوني ازاى؟

أقولكم..

كلنا سمعنا عن حاجة اسمها لينوكس Linux وكلنا عارفين ان ده حاجة زى الويندوز بس مختلفة شوية

ناس بتقول أصعب وناس بتقول أسهل مش مهم

المهم مين جربها؟؟

لو جربت اللينوكس هتعرف ببساطة انه نظام متفوق على الويندوز بعشرين أو ثلاثين سنة ضوئية !!!

يعنى اللينوكس نظام قمة التطور والتكنولوجيا، وكل حاجة جديدة فى الويندوز وبالذات الفيستا تعتبر قديمة قديمة قديمة فى اللينوكس !!

وأبسط مثال موضوعنا ده

المهم أنا جبت اسطوانة اللينوكس وعلى فكرة هي من نوع أوبونتو Ubuntu

أخدتها من الجماعة بتوع EGLUG (Egypt Linux Users Group)

دخلتها فى الجهاز وعملت منها Boot

لاقيت نفسي قدام حاجة شبه الويندوز وتقريبا كل حاجة متعرفة الشاشة والصوت واللان وعندك Desktop وماوس وأيقونات يعني زي الويندوز بالظبط

و ال Desktop عليه أيقونة اسمها Install

لما ضغطت عليها فتحتلي برنامج مشابه تقريبا لInstall البرامج فى الويندوز

بكام ضغطة على الماوس وكم اختيار خفيف (كان أصعب حاجة فيه عملية التقسيم للPartition الي هينزل عليه اللينوكس و دى بقت حاجة بسيطة دلوقتي) بدء اللينوكس يعمل Install لنفسه على الجهاز!!

ولسه ال Desktop مفتوح وكل حاجة شغالة عادى جدا،

( يعنى انسي نظام ال Setup العجيب بتاع الويندوز والريستارت مش عارف كام مرة الخ)

وكان من بين الأيقونات الموجودة قدامي أيقونة الفايرفوكس FireFox بلونها البرتقالى زى الويندوز بالظبط

قلت ما تيجى تجرب هيفتح معاك ولا ايه النظام؟؟

طبعا أنا عمري ما كنت أتخيل انى أقدر افتح النت وأدخل أكتبلكم هنا فى ال Facebook والنظام لسه بيتحمل على الجهاز، لكن هو ده الى حصل و الفايرفوكس فتح معايا !!

أدي Yahoo وكمان BBCarabic و حتى ال Facebook برضه شغال !!

باختصار وفى كلمة واحده

اللينوكس تجربة.. ولا أروع D:

مش كده وبس.. لا ده كمان ميكروسوفت نفسها بتساعد مستخدمين الويندوز انهم يحولوا للينوكس !!

ازاى؟؟ لا دى خلوها للمرة الجاية ، وسلام دلوقتي.

9 التعليقات

غير معرف يقول... 1 أكتوبر، 2009 5:00 ص

I using ubntu2009 it's Linux it's nice

HosamZone يقول... 1 أكتوبر، 2009 5:11 ص

فعلاً تجربة اللينكس حلوة اوي بس للأسف يوم ما نزلته .. عملت تقسيت الهارديسك غلط وراحت كل الملفات تقريباً لذلك معرفتش أتمتع بالنسخة صح

لكن اللينكس فعلاً رائع وجديد جداً وفيه بديل لكل شيئ
تدوينة رائعة
بالتوفيق

Hawy PHP يقول... 1 أكتوبر، 2009 6:27 ص

وانا كنت معاااااك في نفس الحدث ده مع اني مكنتش لسه اعرفك بس سبحان الله في صورة انا واخدها هناااك في سبتمبر 2007 ولقيتك فيها :D هعملك تاج فيها دلوقتي عالفيس علشان تشوفها :D

طبعا طبعا طبعا اوبنتووووووووووووووووو
من يوم ما نزلته عندي وانا بحبه كل يوم اكتر :D

شكرا يا عموووور

الساهر مع نجوم الليل يقول... 1 أكتوبر، 2009 7:35 ص

بالتوفيق انشاء الله

امل عبد الواحد يقول... 1 أكتوبر، 2009 11:14 ص

تصدق انى هروح اسأل على اللينوكس ده
انت حسستتنى انى مش عايشة فى الدنيا وانى متأخرة بتلاتين سنة ضوئية
والمهم هشوف اعرف اجيبه منين
المهم
لعلمك اسلوبك فى العامية رائع وشيق جدا ومسلى وواصل جدا جدا
لو سمحت ممكن تكرر التجربة

sameeha يقول... 1 أكتوبر، 2009 1:42 م

لا زلام نجرب Linux

صحيح الواحد حيتعب لانو جديد عليه

ميكروسوفت نفسها بتساعد مستخدمين الويندوز انهم يحولوا للينوكس

حنعرف المرا الجاية ^_^

‎Sameeha Alshehri‎

أيمن أسامة يقول... 1 أكتوبر، 2009 2:14 م

بس الغريب في الموضوع إني نزلت آخر نسخة من أوبونتو قريب جدا وكانت جيجا و نص تقريبا
لما اتفكت خدت حوالي 3 جيجا أو أكتر !!!
حاولت أشغلها من setup أو Install مفيش ملف بالاسم او المعني ده .. فللأسف مسحتها

هل ينفع أشغل ويندوز ومعاه أوبونتو زي ما بيشتغل مثلا ويندوز ميلينيوم و اكس بي علي نفس الجهاز ؟

وهل ينفع أستخدم اوبونتو كتجربة من غير ما أستبه ؟

لو ينفع يا ريت تكتب لنا تفاصيل اكتر لأنه فيه كتير نفسهم يجربوا فعلا (زي حالاتي :) )

PalStall يقول... 10 أكتوبر، 2009 10:42 م

اكيد اللينكس هو افضل تجربة حاسوبية يمكن لأي شخص ان يعيشها .

فقط احب الإجابة على بعض اسألة الأخ أيمن أسامة :
اخي الكريم نسخة اللينكس اوبونتو مساحتها لا تتجاوز ال 600 MB ، بعد اكمال تحميلها يجب عليك القيام بحرقها على اسطوانة فارغة بإستخدام احد برامج حرق الإسطوانات .
ومن ثم يمكنك تشغيل الجهاز بوجود اسطوانة لينكس بداخله لتتمع بإمكانية :
1- تجربة النظام بشكل كامل و بحوالي 95% من مزاياه و خصائصه و امكانياته .
2- تنصيب النظام على جهازك مباشرة بجانب اي نظام اخر او منفرد ومستقل .
3- عمل بعض الإصلاحات و الفحوصات للهاردوير .
والكثير ايضاً .

كما اني اود ان انوه الا ان اللينكس يمكن تنصيبه من داخل نظام ويندوز مثله مثل اي برنامج عادي تقوم بتنصيبه على نظام ويندوز ، و ايضاً يمكنك ازالته بنفس الطريقة التي تزيل بها البرامج من هذا النظام ، وهذه الميزة رائعة للمبتدئين حتى لا يخوضوا في قصص التقسيم و الفورمات والتوزيع و غيرها .
كما انها مفيدة لمن يود تجربة النظام لفترة محدودة والتمتع بكامل مزايا النظام .

والله تعالى اعلى وا علم .
لمزيد من المعلومات انصحك بزيارة مجتمع لينكس العربي : http://linuxac.org/

اعتذر عن الإطالة ، الشكر موصول لصاحب المدونة على طرح الموضوع و اعتذر على المداخلة اتمنى ان تتقبلها بصدر رحب .

تحياتي لكم جميعاً .

عمرو فهمي يقول... 13 أكتوبر، 2009 7:12 م

PalStall.. سعيد جدا بمداخلتك وأرحب باي مداخلات شبيها، لآني شخصيا مؤمن ان التعليقات ملك للقراء أما الكاتب فقد أخذ فرصته كاملة فى الموضوع الذي كتبه
فالدور على القراء للتعليق والنقاش.

بالنسبة للأخ أيمن أسامة فأعتقد انه قام بتحميل نسخة السورس كود الخاصة بالأبونتو وليس نسخة التحميل العادية.

إرسال تعليق